Temperaturat tropikale pritet të kenë ndikim negativ në bujqësi

Temperaturat tropikale që po mbretërojnë gjatë javës së fundit të gushtit në Kosovë pritet të kenë ndikim negativ në bujqësi, blegtori, por edhe në pemëtari.

Njohësit e mirë të fushës së bujqësisë paralajmërojnë se misri do të preket më së shumti në këto temperatura, por edhe patatja, domatja e speci mund të dëmtohen.

Sipas tyre te kulturat e perimtarisë këto temperatura do të ndikojnë në përgjysmimin e rendimenteve, pasi sipas parashikimeve meteorologjike, këto temperatura do të vazhdojnë deri në fund të këtij muaji, shkruajnë mediat e vendit.

Kjo do të ndikoj sidomos në ato pjesë ku nuk ka mundësi për ujitje. Gjithashtu mungesa e frigoriferëve dhe tregut në këtë kohë do të shkaktojë humbje tek kultivuesit e perimeve.