Rriten kapacitetet grumbulluese të frutave dhe perimeve

Në Rogovë të Gjakovës është inauguruar qendra për grumbullimin dhe përpunimin e frutave dhe perimeve

Ndërtimi i kësaj qendre është bërë në formë partneriteti ndërmjet kompanisë “Edona” nga Zvicra dhe biznesmenit kosovar, Fitim Hoti, si dhe është mbështetur me rreth 36 mijë euro edhe nga programi për ndërmarrje private i USAID-it.

Ministri i Bujqësisë, Blerand Stavileci, ka theksuar se përfitues të drejtpërdrejtë të kësaj qendre do të jenë fermerët, ngase është projekt që ndërlidh në mënyrë zinxhirore prodhuesit me tregun.

Ai bërë të ditur se nga viti i ardhshëm do të shumëfishohet buxheti dhe do të krijohen kushte më të mira për zhvillimin e bujqësisë.

Kurse, Ministri i Zhvillimit ekonomik Besim Beqaj, ka deklaruar se në programin për zhvillimin ekonomik, fuqizimi i sektorit privat është synim kryesor.