Zyra për Migracion nën dyshim

Organizatat zvicerane për mbrojtjen e refugjatëve kanë kërkuar që lidhur me këtë rast të formohet një komision hetues parlamentar

Në periudhën në mes vitit 2006 dhe 2008 në arkivat e Entit Federal për Migracion janë lënë anash pa u përpunuar rreth 10 mijë lëndë, kërkesa azili refugjatëve irakianë.

Organizatat zvicerane për mbrojtjen e refugjatëve kanë kërkuar që lidhur me këtë rast të formohet një komision hetues parlamentar. Sipas një komunikate të lëshuar nga organizatat “Solidarite sans frontieres” dhe “Juristet e juristët demokratikë”, nuk mjafton angazhimi i paralajmëruar i ministres Sommaruga për zbardhjen e çështjes.

Të mërkurën, ministrja e drejtësisë Simonetta Sommuga ka urdhëruar një hetim ekstern.

Organizatat e lartpërmendura kanë shprehur druajtjen se kjo thyerje ligji të lë të kuptosh se mund të kenë ndodhur edhe raste tjera më të rënda.