Në Zvicër zbulohet kompjuteri gjenetik që shkatërron qelizat e kancerit!

Zbulimin e kanë bërë hulumtuesit nga universiteti ETH i Cyrihut së bashku me ata nga Kolegji Massachusetts Institute of Technology (MIT)

Mediet në Zvicër shkruajnë për mundësinë që shkencëtarët zviceranë të kenë arritur një sukses historik në luftën kundër kancerit. Hulumtuesit nga universiteti ETH i Cyrihut kanë konstruktuar një “kompjuter biologjik”, (ose gjenetik, çip që vendoset në trup të njeriut)i cili i identifikon qelizat kanceroze dhe i shkatërron ato. Ky kompjuter është testuar te kafshët dhe ka arritur rezultate të mira.

Përmes pesë faktorëve të ndryshëm molekularë, përcaktues për këtë sëmundje, kompjuteri konstaton nëse bëhet fjalë për qeliza të shëndosha apo qeliza që përmbajnë kancer, dhe kështu i shkatërron ato me kancer.

Këtë çip e kanë zhvilluar hulumtuesit e ETH me profesorin Yakoov Benenson në krye, së bashku me kolegët e tyre amerikanë nga Kolegji Massachusetts Institute of Technology (MIT). Siç ka thënë për mediet zvicerane dr. Benenson, për këtë arritje ata kanë punuar plot dhjetë vite.

Vendosja e kompjuterit të tillë biologjik në trupin e njeriut duket se ende nuk është afër. Por kjo është punë që mund të realizohet, ka thënë Benenson.

Një problem që do zgjidhje në këtë kontekst është ai se si të vendosen gjenet e huaja në mënyrë efikase dhe të sigurt në trup, duke pasur parasysh që ato duhet të qëndrojnë aty vetëm në mënyrë të përkohshme.

Metodat ekzistuese të natyrës kimike ose përmes viruseve nuk janë të sigurta, sipas shkencëtarëve të ETH, Cyrih.