Në nëntor në Cyrih dhe në Lozanë, konferenca për investimet në Kosovë

Përmes këtyre aktiviteteve promovohet tregtija dhe investimet në Kosovë dhe bashkëpunimi ekonomik në mes të Zvicrës dhe Kosovës

Në organizim të albinfo.ch, ECIKS/IPAK (Vjenë) si dhe në bashkëpunim dhe mbështetje të Dhomës Tregtare të Zvicrës – Evropës Qendrore (SEC) dhe Ambasadës së Republikës së Kosovës në Zvicër, më 15 dhe 16 nëntor 2011, në Lozanë dhe në Cyrih organizohen dy konferenca të rëndësishme për promovimin e investimeve në Kosovë.

Organizatorët synojnë që përmes këtyre aktiviteteve të promovojnë tregtinë dhe investimet në Kosovë dhe bashkëpunimin ekonomik në mes të Zvicrës dhe Kosovës.

Konferencat gëzojnë edhe mbështetjen zyrtare të qeverive të Kosovës, Zvicrës dhe Austrisë.

Lidhur me procedurat e regjistrimit për pjesëmarrje dhe me programin përfundimtar të konferencave, të interesuarit do të mund të njoftohen gjatë muajit tetor.