Reciprociteti me Serbinë nuk shfuqizohet shpejt

Ministrja e Tregtisë dhe Industrisë, Mimoza Kusari-Lila, ka theksuar se vendimi për reciprocitet nuk hiqet pa qarkullim të lirë të mallrave

Ajo ka deklaruar se reciprociteti mund të rikthehet nëse Serbia ndryshon qëndrimin, shkruan Express. 

Ndërsa kryetari i OEK-ut, Safet Gërxhaliu ka theksuar se pa funksionimin e pikave doganore në Veri, marrëveshja për vulat nuk ka efekt. 

Mimoza Kusari-Lila, ka thënë se marrëveshja e arritur në Bruksel për njohjen e vulave doganore të Kosovës nga ana e Serbisë nuk nënkupton heqjen e menjëhershme të masave të reciprocitetit që Qeveria e Kosovës i ka vendosur për mallrat serbe më 20 korrik të këtij viti.. 

Ministrja e Tregtisë dhe Industrisë që ka nënshkruar vendimin për reciprocitet. Ka thënë se tash do të shihen të gjitha elementet e implementimit të asaj marrëveshjeje, dokumentacioni për mallrat që e lëshojnë Kosovën dhe procedura të tjera teknike për të cilat duhet punuar institucionet ditëve në vijim.