Gjermani, gati dhjetë sulme në ditë kundër emigrantëve

Gjermania vitin e kaluar ka regjistruar 3.500 sulme ndaj refugjatëve dhe azilkërkuesve. Bëhet fjalë për gati dhjetë në ditë, sipas Ministrisë së Brendshme gjermane. Në këto sulme u plagosën 560 persona, duke përfshirë 43 fëmijë, shkruan Ministria gjermane e Punëve të Brendshme në një përgjigje të kërkuar nga parlamenti, përcjell albinfo.ch.

Gjermania vitin e kaluar ka regjistruar 3.500 sulme ndaj refugjatëve dhe azilkërkuesve. Bëhet fjalë për gati dhjetë në ditë, sipas Ministrisë së Brendshme gjermane.

Në këto sulme u plagosën 560 persona, duke përfshirë 43 fëmijë, shkruan Ministria gjermane e Punëve të Brendshme në një përgjigje të kërkuar nga parlamenti, përcjell albinfo.ch.

Ministria theksoi se qeveria “fuqimisht dënon” dhunën dhe përcakton se në sulmet e rendit ishin 2.545 persona ose refugjatë, kurse 988 raste janë sulmuar në qendrat e emigrantëve.

Kështu një rritje e sulmeve shpjegohet me faktin se Gjermania gjatë vitit 2015 ka marrë të paktën 890.000 emigrantë, duke bërë që kancelarja Angela Merkel të kritikohet, dhe nga kjo situatë përfitojnë euroskeptikët dhe Alternativa për Gjermani (AfD), e cila mori popullaritet dhe u bë forca e tretë politike në vend para zgjedhjeve parlamentare të këtij viti.

Numri i emigrantëve të fundit më 2016 ka rënë në mënyrë të konsiderueshme, duke regjistruar 280 mijë azilkërkues të rinj.