Komisioni e kalon projektligjin për Trepçën

Projektligji për riorganizimin e ndërmarrjeve të caktuara dhe pasuritë e tyre, që ka fokus ndërmarrjen Trepça, ka kaluar në Komisionin për Buxhet dhe Financa, i cili ka bërë amandamentimet e nevojshme.

“Komisioni për Buxhet dhe Financa i Kuvendit të Kosovës, në mbledhjen e sotme të kryesuar nga Safete Hadërgjonaj, kryetare, ka përkrahur Projektligjin për riorganizimin e ndërmarrjeve të caktuara dhe pasuritë e tyre, me raportin me amendamente të Komisionit funksional”, thuhet në komunikatën e Kuvvendit të Kosovës.

Pas shqyrtimit në këtë komision parlamentar, projektligji për Trepçën pritet të diskutohet dhe miratohet në Kuvendin e Kosovës.

Përmes këtij ligji parashihet riorganizimi i Trepçës që shpresohet se do të ketë ndikim të madh në ekonominë e Kosovës.