SHBA-ja e shqetësuar me gjendjen në veri

Shtetet e Bashkuara janë të shqetësuara për situatën dhe u bëjnë thirrje të dyja palëve të ruajnë qetësinë dhe të shmangin veprime që mund të nxisin përshkallëzimin e situates, ka thënë zëdhënësi i Departamentit të Shtetit, Mark Toner.

Sipas tij, Shtetet e Bashkuara përshëndesin përpjekjet e KFOR-it e të EULEX-it për të krijuar një mjedis të sigurtë dhe për të mundësuar lëvizjen e lirë si të mallrave edhe të njerëzve në të dy anët e kufirit të Serbisë me Kosovën.

“Lëvizja e lirë e mallrave dhe njerëzve është në interes si të Serbisë edhe të Kosovës dhe në përputhje me aspiratat e tyre evropaine”, ka theksuar zëdhënësi i Departamentit të Shtetit Toner.Sipas tij çdo bllokim rruge vështirëson jetën e banorëve si në Kosovë edhe në Serbi.