Kërkohet që diaspora të përfaqësohet në Kuvend

Komisioni për amendamentimin e Kushtetutës po përballet me kërkesa të shumta.

Kryetari i këtij komisioni, Arsim Bajrami ka thënë për Epokën e Re, se ministri i Diasporës, Ibrahim Makolli, nëpërmjet një shkrese zyrtare ka kërkuar që diaspora të përfaqësohet në Kuvendin e Kosovës me disa deputetë.

Bajrami, ka përmendur edhe kërkesën e zëvendëskryeministrit, Hajredin Kuçi për ta rregulluar me Kushtetutë çështjen e amnistisë.

Këto dhe kërkesa, sipas tij e kanë shtyrë këtë komision në nëntor të kërkojë mandat shtesë nga Kuvendi i Kosovës për ta ndryshuar Kushtetutën edhe në disa pjesë të nevojshme.

Sipas tij, marrja e mandatit shtesë nga Kuvendi i Kosovës nuk do të vonojë reformën që ka të bëjë me presidentin.