Preshevë:Protestë kundër diskriminimit

Në qytetin e Preshevës të mërkurën u organizua marshi gjithë popullor me moton “Stop diskriminimit” ndaj shqiptarëve të Luginës së Preshevës

Organizatorë të protestës ishte i gjithë spektri politik shqiptar në bashkëpunim më Organizatën e veteranëve te luftës dhe Këshillin për të Drejtat e Njeriut në Preshevë, raportojnë mediet në Preshevë.

“Duam punë”, “Duam hapjen e kufirit”, “Stop xhandarmerisë serbe, “Zhvillim jo diskriminim” ishin sloganet që përcollën këtë protestë, deri sa ato që kishin përgatitur nga aktivistët e Këshillit për të drejtat e njeriut dhe Nismës së të rinjve për të drejtat e njeriut-e quanin ministrin e Pushtetit lokal serb, Milan Markovic si njeri të rrezikshëm “.Warning Markovic is Here”.

Pankartat u vendosën në Zyrat e Trupit Koordinues në Preshevë.

Një protestë e tillë mbahet për herë të dytë nga shqiptarët e Luginës së Preshevës. Ndërkaq protesta e parë ishte organizuar më 13 shtator, në qytetin e Bujanocit, me moton “2001-2011, BOLL MO”.

Për të protestuar në Luginë të Preshevës ishte marrë vendimi nga seanca e Këshilltarëve Shqiptarë e tre Kuvendeve të Luginës së Preshevës më 3 shtatorë.