Zgjidhja e arsimit shqip në Maqedoni, çështje emergjente

Çështja e teksteve shkollore dhe enciklopedisë maqedonase, ku fyhen rëndë shqiptarët duhet të zgjidhet sa më shpejt

Shqetësimeve të partive opozitare shqiptare për problemet e arsimit shqip në Maqedoni, sidomos atij fillor dhe të mesëm, ju ka bashkuar edhe ambasadori i Shqipërisë në Maqedoni, Arben Çejku. Ai ka deklaruar se çështja e teksteve shkollore dhe enciklopedisë maqedonase, ku fyhen rëndë shqiptarët duhet të zgjidhet sa më shpejt, por sipas tij, aktualisht emergjente është zgjidhja e arsimit shqip, kryesisht problemet për arsimin e ulët dhe të mesëm. 

Ditë më parë, partitë shqiptare të opozitës kanë hedhur akuza të ashpra në adresë të garniturës qeverisëse VMRO-BDI në lidhje me arsimin shqip në Maqedoni. 

Sipas tyre, Qeveria aktuale po pengon dhe diskriminon arsimin shqip në Maqedoni.