Berisha: Në OKB do të kemi dy shtete shqiptare

Kryeministri i Shqipërisë, Sali Berisha po lobon për njohjen e shtetit të Kosovës, e cila do t'i mundësonte anëtarësimin në OKB

Kryeministri i Shqipërisë, Sali Berisha në një intervistë për agjencinë e lajmeve INA thotë se po lobon për njohjen e shtetit të Kosovës, e cila do t’i mundësonte anëtarësimin në OKB dhe organizata tjera relevante ndërkombëtare. 

“Sot Kosova është një vend që ëndrrën e saj e ka bërë realitet dhe kjo është një nga ëndrrat e gjithë kombit shqiptarë që sot e shohim Kosovën të lirë dhe të pavarur. Dhe duhet vlerësuar fakti që vizioni i Kosovës për të ardhmen është një mundësi shumë e madhe”, ka theksuar Berisha. 

Ai ka deklaruar se, në margjinat e sesionit vjeshtor të Asamblesë së Përgjithshme të OKB-së po lobon për njohjen e Kosovës. 

Kryeministri Berisha ka folur edhe për takimin e përzemërt me presidentin Obama, ish-presidentin Klinton, zhvillim e hovshëm ekonomik të Shqipërisë, për diasporën shqiptare etj.