Stéphane Rossini zyrtarisht kandidon për vendin e Calmy-Rey

Zgjedhja e tij eventuale në Qeverinë Federale në vend të Calmy Rey do të bëhet më 14 dhjetor të këtij viti

Deputeti në Parlamentin Nacional të Zvicrës që vjen nga kantoni Valis dhe që përfaqëson Partinë Socialdemokrate, Stéphane Rossini, është kandidat zyrtar i kësaj partie për të zënë vendin e Micheline Calmy-Rey në Qeverinë Federale të Zvicrës.

Rossini, 48 vjeçar, është prej 12 vitesh deputet në Parlamentin Nacional të Zvicrës dhe kryen funksionin e njërit ndër pesë nënkryetarët e SP-PS.

Kandidati i ri për Qeverinë e Zvicrës me profesion është politolog dhe jep mësim në disa institucione të shkollimit të lartë, në mesin e të cilave edhe në Univesritetin e Gjenevës.

Zgjedhja e tij eventuale në Qeverinë Federale në vend të Calmy Rey do të bëhet më 14 dhjetor të këtij viti, ditën kur bëhet votëbesimi në parlament edhe i anëtarëve aktualë të qeverisë.

Ministrja e jashtme e Zvicrës, e cila në këtë mandat kryen edhe funksionin e presidentes së federatës, Micheline Calmy Rey ka ofruar kohë më parë dorëheqjen nga funksionet e saj në qeveri.

Die Nachfolge von Micheline Calmy-Rey wird bei der Gesamterneuerungswahl des Bundesrats geregelt, am 14. Dezember.