Zvicra mund t`ua ndërpresë të huajve ndihmat sociale

Një mocion i bërë nga Grupi Parlamentar i FDP-së në Dhomën Nacionale të Parlamentit kishte kërkuar që migrantët që vijnë nga shtetet jashtë BE-së dhe EFTA-s të mos marrin ndihma sociale për një periudhë prej tre deri në pesë vitesh

Këshilli Federal i Zvicrës ka ndërmend të shqyrtojë mundësinë që të huajve të “vendeve të treta” që jetojnë këtu t`u kufizohet ose edhe tu hiqet fare mundësia për të marrë ndihma sociale. Kjo do të ndodhte në kushte të caktuara , siç ka kërkuar Komisioni për Politikë Shtetërore i Dhomës së Kantoneve të Parlamentit të Zvicrës shkruan sda.ch.

Një mocion i bërë nga Grupi Parlamentar i FDP-së  në Dhomën Nacionale të Parlamentit i quajtur “Jo migrimit në sistemin tonë social” kishte kërkuar që migrantët që vijnë nga shtetet jashtë BE-së dhe EFTA-s të mos marrin ndihma sociale, gjegjësisht të përjashtohen nga ajo për një periudhë prej tre deri në pesë vitesh. Dhoma Nacionale parimisht e kishte pranuar mocionin.

Por atë e ka kundërshtuar Komisioni për Politikë Shtetërore i Dhomës së Kantoneve të Parlamentit të Zvicrës, transmeton albinfo.ch.   Edhe pse parimisht edhe ky komision mendon se ka hapüesirë veprimi në këtë mes, sipas tij, duhet të respektohen kompetencat e kantoneve sa i takon ndarjes së ndihmave sociale. Së këndejmi duhet bërë një kërkesë për shqyrtim. Qeveria duhet të bëjë vlerësimin e të dhënave të nevojshme për marrjen e një mase të tillë, si: nacionaliteti i atyre që marrin ndihma sociale dhe statusi i tyre në momentin e ardhjes në Zvicër.