Berlini miraton planin për të ndëshkuar urrejtjen në Facebook dhe Twitter

Qeveria gjermane në Berlin sot miratoi një plan sipas të cilit rrjetet sociale mund të gjobiten deri në 50 milionë euro në qoftë se nuk i heqin postimet që përhapin gjuhën e urrejtjes, njoftojnë mediat nga Berlini.

“Nuk duhet të ketë tolerancë për krimin në rrjetet sociale ashtu sikur për krimin në rrugë.», tha Ministri i Drejtësisë, Heiko Mas, i cili është duke propozuar një ligj që duhet të zvogëlojë numrin e rasteve për shpifje dhe kërcënime përmes rrjeteve sociale, përcjell albinfo.ch.

Ministri i Drejtësisë në të njëjtën kohë ka njoftuar se ligje të ngjashme do të kërkojë që të miratohen nga të gjitha vendet anëtare të BE-së.

Gjermania tashmë është vendi me ligjet më të rrepta për gjuhën e urrejtjes, shpifjeve, dhe nxitjeve publike ndaj krimit dhe kërcënimeve të dhunës.

Ligjit duhet të kalojë para zgjedhjeve federale në shtator, rrjetet sociale si Facebook dhe Twitter do të kenë  kohë maksimum prej 24 orësh për të hequr ose bllokuar të gjitha postimet, ku ka indikacione të veprimtarisë kriminale. Për shkelje të ligjit pronarët e rrjeteve sociale do të duhet të paguajnë 50 milionë euro dhe drejtuesit e tyre në Gjermani do të përballen me një gjobë prej 5 milionë.