Shuhen 1300 biznese, për t’iu shmangur borxhit ndaj shtetit

Vetëm gjatë këtij viti, në Kosovë janë shuar mbi 1300 biznese. Sivjet llogaritet të jetë me numrin me të madh të bizneseve të shuara.

Qëllimi i shumë ndërmarrësve biznesor është që me shuarjen e një biznesi t’i ikin borxhit që kanë ndaj shtetit, shkruan Koha Ditore.

Për një gjë të tillë janë në dijeni edhe Administrata Tatimore e Kosovës të cilët thonë se këta persona do të ndiqen penalisht.

Sipas Drejtorit të Agjencisë për regjistrim të Bizneseve, Mejdi Pllashnikut, ka edhe shkaktarë të tjerë që po ndikojnë në shuarjen e bizneseve në Kosovë, siç janë Politikat jofavorizuese për biznes, mungesa e mjeteve financiare, normat e larta të kredisë, jostabiliteti me energji elektrike etj.

Për ambient të pafavorshëm biznesor, Kosova vazhdimisht është kritikuar edhe në raportet e Bankës Botërore.