Targat KS lëshohen brenda muajit

Targat KS, do të rilëshohen në qarkullim pa u bërë një vit i plotë prej kur në të rejat u vendosën inicialet e Republikës së Kosovës. Ato do t’u lëshohen serbëve, por edhe disa shqiptarëve.

Ministri i Punëve të Brendshme, Bajram Rexhepi, ka thënë se janë në finalizim përgatitjet për të prodhuar këto targa, ashtu siç parasheh marrëveshja e korrikut e arritur ndërmjet palës kosovare dhe asaj serbe për lirinë e qarkullimit ndërmjet të dyja vendeve. Për targat KS ka thënë se do të lëshohen brenda muajit, rasporton Koha Ditore.

Me targat që janë zëvendësuar në dhjetorin e vitit të kaluar me ato RKS, nuk do të mund të pajisen veturat e secilit pasagjer që shpreh dëshirën për t’i pasur.

Për të mos i bërë krejt njëetnike, do t’iu lëshohen edhe disa shqiptarëve.

Megjithëkëtë, kërkesës për t’u pajisur me to duhet bashkëngjitur argumente të forta për nevojën se iu duhet të vozisin me automjet në Serbi.