Zvicra, e vendosur të kthejë paratë e bllokuara të diktatorëve

Që nga viti 2003, Zvicra u ka kthyer vendeve përkatëse 1.7 miliardë franga nga paratë e diktatorëve të tyre

Zvicra dëshiron të fillojë procesin e ndihmës juridike për Tunizinë dhe Egjiptin për t`ua kthyer këtyre vendeve sa më shpejtë paratë e bllokuara në këtë vend, të ish presidentëve Ben Ali dhe Mubarak.

Sa i përket Egjiptit, ka probleme teknike në këtë drejtim, ka thënë ambasadori i Zvicrës në këtë vend, Zellweger.

Ai ka shtuar se Zvicra është qendra e shtatë financiare në botë për nga fuqia, mirëpo deri më tash ka kthyer më shumë nga të gjitha vendet tjera, para të bllokuara të diktatorëve të vendeve të ndryshme.

Që nga viti 2003, kur qe rrëzuar presidenti i Filipineve, Markos, e deri më tash, Zvicra u ka kthyer vendeve përkatëse 1.7 miliardë franga nga paratë e diktatorëve të tyre . Ndërkaq, që nga fillim i i trazirave në vendet arabe, janë bllokuar më shumë se 1 miliard franga të diktatorëve të atjeshëm nëpër bankat e Zvicrës.