Futet mbikëqyrja e të huajve nga shteti?

Shtetasit e rreth dymbëdhjetë shteteve të botës do të futeshin menjëherë në listat e këtij shërbimi, sapo të hynin në territorin e Zvicrës

Personat nga “vendet e rrezikshme” duhet që, me rastin e hyrjes në Zvicër, t`i nënshtrohen një mbikëqyrjeje të fshehtë nga Shërbimi i Sigurimit i Zvicrës. Kjo, me gjithë faktin se qeveria e vendit, me një vendim të marrë në vitin 2010 e kishte ndërprerë këtë praktikë.

Nëse do të miratohej kërkesa e shërbimit të sigurimit shtetëror, shtetasit e rreth dymbëdhjetë shteteve të botës do të futeshin menjëherë në listat e këtij shërbimi, sapo të hynin në territorin e Zvicrës. Këtë e ka konfirmuar për gazetën “Tages-Anzeiger” një zëdhënës i shërbimit të sigurimit.

Një praktikë të tillë do ta mundësonte një ndryshim i rregullativës

Në fillim të vitit 2012 do të startonte projekti që do të trashëgojë programin e kontestuar Fotopass.

Por kjo masë kontrolli është kritikuar shumë nga opinioni zviceran.

Sidoqoftë, të gjitha të dhënat e grumbulluara përmes këtij projekti, do të shlyheshin automatikisht pas pesë vitesh.