Kosova, pa progres në reformat e të bërit biznes

Ky raport negativ është i dyti për sektorin e ekonomisë pas Raportit të Progresit, në të cilin Kosova ka marrë notë negative për ekonomi

Kosova nuk ka bërë asnjë progres në reformat e të bërit biznes. Banka Botërore ka publikuar raportin e të bërit biznes për vitin 2012, në të cilin vendi ynë nuk ka lëvizur asnjë hap më tej nga vendi i 117-të, kur edhe ishte renditur në vitin 2011.

Kosova, sipas raportit, renditet e 168-ta për nisjen e biznesit, e 10-ta për procedura dhe e 58-ta për kohën e pajisjes së biznesit me dokumente.

Për marrjen e lejeve të ndërtimit, Kosova është renditur e 171-ta dhe për furnizimin me energji ka marrë vendin e 124-të. Ky raport negativ është i dyti për sektorin e ekonomisë pas Raportit të Progresit, në të cilin Kosova ka marrë notë negative për ekonomi.