Libianët në Zvicër i gëzohen fundit të Gadafit

Lajmi mbi vrasjen e diktatorit Gadafi, ka bërë jehonë pozitive në mesin e qytetarëve të Libisë me azil në Zvicër. Kështu, një libian që jeton në Zvicër është shprehur në ditarin televiziv të SF1 se “të gjithë në Libi janë shumë, shumë të gëzuar për kapjen e Gadafit”.

“Edhe unë jam shumë i lumtur”, ka thënë Said Kaled, i cili ka punuar në Qendrën për Informim të libianëve në ekzil, në Olten, qendër kjo që ndërkohë ka pushuar së vepruari. Ai po ashtu është shprehur i habitur me faktin se Gadafi nuk është arratisur nga Libia ose nuk është vetëvrarë.

Megjithatë, lajmet për kapjen ose vdekjen e Gadafit nuk janë vërtetuar ende zyrtarisht.