Gjermania, me papunësinë më të ulët në Eurozonë

Përqindja e papunësisë në Eurozonë regjistroi nivel të qendrueshëm në muajin mars në 9.5 për qind, niveli më i ulët i regjistruar që prej muajit prill 2009, njoftoi Eurostat, përcjell albinfo.ch.

Kjo shifër, e ngjashme me atë të muajit shkurt, është më e pak e mirë se ajo e llogaritur nga analistët e pyetur nga punonjësit e shërbimeve financiare “Factset”, që kishin parashikuar një rënie të lehtë prej 9.4 për qind.

Mes 19 shteteve anëtare të zonës euro ekzistojnë dallime të ndjeshme, përqindja më e ulët e papunësisë në muajin mars 2017 u regjistrua në Gjermani me 3,9 për qind si dhe në Maltë me 4.1 për qind.

Përqindja më e lartë e papunësisë u regjistrua në Greqi me 23, 5 për qind në janar 2017 dhe në Spanjë me 18.2 për qind.