Gjenevë: Një burrë qëllohet me armë në shtëpinë e mallrave «Les Cygnes»

Disa të shtëna u qëlluan të martën në qendrën e mallrave “Les Cygnes” të Gjenevës. Viktima është prekur rëndë dhe gjendet mes jetës dhe vdekjes.

Një ngatërresë verbale përfundoi me armë zjarri natën e kaluar rreth orës 19:00. “Kam dëgjuar tri ose katër të shtëna dhe pashë tym”, shpjegon një kliente e Migros-it, e cila gjendej aty kur ndodhi fatkeqësia. Në fillim mendova se të shtënat ishin fishekzjarrë, por kur një grua filloi të bërtasë dhe kur paniku përfshiu turmën e njerëzve, kuptova se diçka e rëndë kishte ndodhur. “Në atë moment një burrë qëllohet në kokë me armë. Ai përplasët për tokë, ndërsa gjaku i tij përhapet në dysheme”.

Sipas një dëshmitari, agresori bashkë me qenin e tij është larguar në mënyrë të qetë nga vendi i krimit. Ai është kapur nga policia në një restorant kinez. Shërbyesi i lokalit në fjalë thotë se ky i fundit kishte një pamje të toksimanit.

Viktima e prekur në kokë dhe në krah është transportuar në gjendje kritike në spital. “Jeta e tij është në rrezik”, sipas zëdhënësit të policisë së Gjenevës, Jean-Philippe Brandt, i cili nuk mund të japë detaje të mëtejshme rreth këtij rasti.