“SHIKO”, tryezë mbi rolin e shkollës kundër diskriminimit

Shoqata "SHIKO" nga Lozana, organizon Tryezë të Rrumbullakët mbi rolin e shkollës në luftë kundër diskriminimit. Shfaqet edhe filmi i metrazhit të shkurtër “1 Euro”, i Durim Ilazit

Shoqata shqiptare e kantonit Vaud “SHIKO”,  në statutin dhe në aktivitetet e saj si qëllim dhe si objektiv pune ka promovimin e kulturës shqiptare, krijimin e rrjeteve dhe të hapësirave në shkëmbimin kulturor në mes komunitetit shqiptar dhe atij zviceran dhe komuniteteve të tjera. Njëherësh si mundësi të krijimit të platformave në mbështetje të shoqatave tjera shqiptare dhe lidhjen ekonomike e sociale në mes Zvicrës dhe trojeve shqiptare të Ballkanit.

Ndër aktivitetet që ka realizuar shoqata “SHIKO “gjatë 9 viteve spikaten ato në fushën e integrimit dhe luftës kundër diskriminimit. “SHIKO” ka arritur në gjejë partnerë të ardhur nga fushat e ndryshme socio ekonomike. Vetë fakti që “SHIKO” në listën e aktiviteteve ka partnerë edhe nga shumë komunitete tjera ka ndikuar që të ketë respektin dhe mbështetjen e strukturave shtetërore.

Këtë vit, në kuadrin e projektit të mbështetur nga kantoni Vaud “SHIKO” organizon një tryezë të rrumbullakët mbi rolin e shkollës në luftë kundër diskriminimit duke vënë theksin në rastet praktike.

Në tryezë do të marrin pjesë specialistët në fushën e luftës kundër diskriminimit: Seema Ney, shefe e projektit “Respekti i diversitetit në shkollë”, kantoni Vaud;  Atifete Ljika, arsimtare; Eva Kouvandjieva, specialiste në fushën e historisë së artit dhe arsimtare.

Moderator i Tryezës të rrumbullakët është Arben Mustafa, i diplomuar në Universitetin e Lozanës, anëtar i komitetit të shoqatës “SHIKO”.

Në fillim të programit do shfaqet filmi i metrazhit të shkurtër “1 Euro”, i Durim Ilazit.

Programi do të përmbyllet me një aperitiv, si mundësi e vazhdimit të bisedës.

Tryeza e rrumbullakët mbahet më 10 qershor në ora 17h 30 në :  salle de la Fraternité du Centre Social Protestant, à Lausanne (Place Arlaud 2). Për më shumë informata ju mundeni të kontaktoni presidentin e shoqatës, Mentor Ilazin, në : 0796060071 apo në adresë elektronike : shiko.suisse@gmail.com

---