Simbolet e krishtera, jo nën mbrojtjen kushtetuese

Arsyetimi i komisionit ka qenë se shteti duhet të ruajë neutralitetin në lidhje me religjionin, gjegjësisht të mos favorizojë krishterimin

Komisioni i Dhomës Federale të Parlamentit Nacional për mbrojtjen e kushtutshmërisë është shprehur kundër vënies nën mbrojtje kuzshtetuese të simboleve të krishtera. Sipas vendimit të komisionit, simbolet si kruzifix (Krishti i kryqëzuar) dhe të ngjashme nuk do të jenë objekte me mbështetje të kushtetutës.

Arsyetimi i komisionit ka qenë se shteti duhet të ruajë neutralitetin në lidhje me religjionin, ndërsa një favorizim i krishterimit në këtë mes do të rrezikonte paqen ndërfetare. Në muajin maj, komisioni i njëjtë ishte shprehur në favor të mbrojtjes së simboleve të krishterimit.

Nëse edhe Dhoma Federale e Parlamentit Nacional e ndan po këtë mendim, atëherë ky problem hiqet nga rendi i ditës, sepse më parë edhe komisioni i njëjtë i dhomës së kantoneve e kishte hedhur po ashtu poshtë mbrojtjen e simboleve të krishtera.