BMW e kosovarit përplaset me tri veturat në parking

Vetura e kosovarit ishte aksidentuar në rrethojat e një parkingu duke dëmtuar edhe tri automjete të tjera të parkuara

Një kosovar 25-vjeçar nga rrethi i Lenzburgut, të dielën mbrëma ka humbur kontrollin mbi veturën e tij BMW dhe ka shkaktuar një aksident spektakolar në udhëkryqin e malit Bull në Wohlen.Shoferi i ri me BMW-në e tij, sipas policisë së Argaus  po udhëtonte nga Wohleni nëpërmjet  udhëkryqit Bull, për të vazhduar djathtas drejt Lenzburg, por që kishte përfunduar në rrethojat e një parkingu veturash, njofton 20 min.

Sipas të dhënave fillestare, shkaktar i aksidentit mund të jetë shpejtësia e madhe.

BMW e kosovarit ishte aksidentuar në rrethojat e një parkingu duke dëmtuar edhe tri automjete të tjera të parkuara.

Për fat të mirë 25-vjeçari ka marrë vetëm lëndime të lehta ndërsa dëmet e shkaktuara janë vlerësuar mbi 70 mijë franga.