Kanë kaluar afër dy muaj nga shembja e parë e shkëmbinjve në kodrën mbi fshatin Bondo, në Kantonin Graubünden. Si rrjedhojë, për shkaqe sigurie ishin detyruar të evakuoheshin rreth 140 banorët efshatit, raporton srf.ch. Rruga kantonale që çon në Bondo qe bllokuar nga masa shkëmbore e përzier me dhe kështu që banorët patën mbetur pothuaj të izoluar nga bota.

Pas qetësimit të terrenit dhe masave të ndërmarra të sigurisë, rreth 80 nga këta banorë do të kthehen sërish në shtëpitë e tyre, transmeton albinfo.ch Si datë e kthimit është caktuar 14 tetori, deri kur planifikohet që të ndërtohet rruga që shkon në fshat përmes zonës që nuk është e rrezikuar nga rrëshqitjet.

60 banorët tjerë ndërkaq duhet të presin pak më gjatë. Përcaktues për kthimin e tyre do të jetë përparimi që do të bëhet në rindërtimin e infrastrukturës. Konsiderohet se disa prej tyre do mund të kthehen në shtëpitë e tyre vetëm nga mesi i nëntorit.