Ndeshja Shqipëri – Itali ngjall interesim të madh të tifozëve shqiptarë

Interesimi për sfidën ndaj Italisë është tejet i madh, edhe përkundër se çmimi i biletave është tejet i lartë, raportojnë mediet shqiptare

Ëndrra e shumë shqiptarëve për të parë nga afër idhujt e tyre të kombëtares italiane tashmë mund të bëhen realitet. Sipas informacioneve nga Federata Shqiptare e Futbollit, katër herë kampionët e botës pritet të zbarkojë rreth orës 17:30 në aeroportin e Rinasit.

“Axurrët” nuk do të parakalojnë siç mund të ishte menduar, qoftë edhe për disa orë në Tiranë, por do të nisen menjëherë për në Shkodër me autobus. Në orën 20:00 është parashikuar edhe konferenca për shtyp e trajnerit Ventura dhe një prej futbollistëve të tij, në stadiumin “Loro Boriçi”, ndonëse për Italinë do të ketë vetëm një inspektim fushe, jo stërvitje.

Interesimi për sfidën ndaj Italisë është tejet i madh, edhe përkundër se çmimi i biletave është tejet i lartë, raportojnë mediet shqiptare. Por, megjithatë deri tash janë shitur mbi 15 mijë bileta, ndërsa kapaciteti i stadiumit “Loro Boriçi” është pak më shumë se 16 mijë vende.