Sipas mediave shqiptare, syzet e Saimir Tahirit kushtojnë 10,500 dollarë

Mediat lokale në Tiranë raportojnë se ish-ministri i Brendshëm, Saimir Tahiri mbanë syze Maybach Manifactur të cila kushtojnë 10 mijë e 500 dollarë

Në sfondin e të dhënave komprementuese për Saimir Tahirin këto ditë, doli edhe një denoncim i ish kryeministrit Sali Berisha se edhe syzet e ish-ministrit të Brendshëm të Shqipërisë, ishin blerë nga Habilajt. Lapsi.al shkruan se ka siguruar disa foto të Tahirit në Komisionin e Mandateve ditën e shtunë, që tregojnë se 38 vjeçari mban një palë syze vërtet të shtrenjta.

Dallohet qartë se shkrimi i gdhendur në syzet e Tahirit është Maybach Manifactur, një prej markave më të shtrenjta në qarkullim.

Ky medium shkruan gjithashtu se verifikoi në faqen e internetit të kompanisë Maybach se çmimi i tyre është 10 mijë e 500 dollarë, një shumë e konsiderueshme parash për ish-ministrin Tahiri, ish krahu i djathë i Edi Ramës dhe një njëri nga zyrtarët më me ndikim në qeverisjes e kaluar, u gjet i përfshirë në skandalin e drogës, me njërën nga familjet më të fuqishme të jugut të Shqipërisë.