46% të zviceranëve të rinj i shohin myslimanët si rrezik

Ndërsa vetëm 15 për qind ose tre herë më pak të rinj që jetojnë në qytete të mëdha i konsiderojnë myslimanët si rrezik për mënyrën e këtushme të jetesës

Në sondazhin e realizuar në kuadrin e një studimi të realizuar me porosinë e Departamentit Federal të Mbrojtjes, të rinjtë e moshës 19 vjeçare, veç tjerash janë pyetur edhe për qëndrimin e tyre ndaj komuniteteve fetare në vend.

Në këtë pikë, 46 për qind të të anketuarve kanë deklaruar se myslimanët i perceptojnë si “rrezik për mënyrën e këtushme të jetës”, shkruan sda.ch. Pas myslimanëve, por me shkallë shumë më të ulët, një imazh të tillë e gëzojnë hebrenjtë, transmeton albinfo.ch. 18 për qind të të anketuarve i konsiderojnë të rrezikshëm pjesëtarët e këtij religjioni. Ndërsa ateistët përbëjnë rrezik për 13% të të rinjve që kanë marrë pjesë në sondazh.

Studimi vë në pah se janë në radhë të parë meshkujt e rinj nga zonat rurale ata që i shohin myslimanët s rrezik. Se sa i madh është dallimi në mes tyre dhe moshatarëve të tyre qytetarë shihet në këtë rezultat: vetëm 15 për qind ose tre herë më pak të rinj që jetojnë në qytete të mëdha i konsiderojnë myslimanët si rrezik për mënyrën e këtushme të jetesës, përcjel albinfo.ch. E kur mesatarja në nivel vendi është 46% atëherë mund të merret me mend se sa e lartë është përqindja në zonat rurale!

Për këtë sondazh janë pyetur 50 mijë të rinj dhe 1800 të reja. Përzgjedhja e tyre ka qenë e rastësishme.