Për të 10-ën herë  mbahet ecja kundër kancerit

Drejtuesit e Ministrisë së Shëndetësisë thanë se do të punojnë në ngritjen e kapaciteteve që i gjithë trajtimi i kancerit të gjirit të bëhet në Qendrën Klinike Universitare të Kosovës

Në Prishtinë për herë të 10 është organizuar ecja simbolike për të shënuar muajin e luftimit të kancerit të gjirit. Në këtë event morën pjesë personalitete të shumta u  kërkua të merren më shumë masa për parandalimin e kësaj sëmundjeje; përfshirë kontrolle të shpeshta nga gratë, furnizim më i mirë me barna.

Drejtuesit e Ministrisë së Shëndetësisë thanë se do të punojnë në ngritjen e kapaciteteve që i gjithë trajtimi i kancerit të gjirit të bëhet në Qendrën Klinike Universitare të Kosovës.

Ndërsa Kryeministri, Ramush Haradinaj, deklaroi se zbulimi i hershëm i kësaj sëmundje është mbijetesë. Haradinaj tha se për këtë ditë më së miri mund të flasin ato që e kanë kaluar këtë sfidë, duke potencuar këtu se njeh shumë zonja të cilat kanë kaluar një sfidë të tillë.

Ky manifestim u organizua nga Qendra Kosovare për Luftimin e Kancerit të Gjirit “Jeta/Vita”, udhëhequr nga Nafije Latifi.