Komisioni miraton ndryshimet e buxhetit në leximin e dytë

Komisioni për Buxhet dhe Financa ka miratuar ndryshimet në buxhetin e rishikuar të këtij viti, të cilit iu bë leximi i dytë.

Anëtarët e komisionit kanë votuar edhe rikthimin e 11 milionë eurove, pjesë të fondit për shërimin jashtë vendit.

Të njëjtat mjete janë marrë nga të gjitha njësitë tjera buxhetore, për t’i kthyer mjetet siç kanë qenë para se të vinte qeveria e tanishme.

Plotësimi i kësaj kërkese të bërë nga LDK-ja ka mundësi që këtë të fundit ta kthejë në votim të buxhetit. Nënkryetarja e parë në Komisionin për Buxhet dhe Financa, Safete Hadërxhonaj, ka thënë se me këto ndryshime, Komisioni ka rikthyer kontigjentin për sigurimet shëndetësore në vlerë prej 11 milionë eurosh ashtu siç kanë qenë, përcjell albinfo.ch.

Po ashtu sipas saj, edhe mjetet për projektin e autostradës Prishtinë-Gjilan janë rikthyer për këtë projekt.