Kthehen nga Gjermania dhe hapin biznese në Vushtrri

Shumë të rinj që kishin emigruar ilegalisht në Gjermani më 2014 dhe 2015, janë kthyer në Kosovë dhe po hapin biznese me ndihmën e organizatave të ndryshme ndërkombëtare.

Një shembull i mirë është i riu Besnik Mehana, i cili pasi kaloi 7 muaj e gjysmë si emigrant në një kamp në Passau të Gjermanisë, dhe është kthyer në Liqej, fshatin e tij afër qytetit të Vushtrrisë, shkruan ‘vushtrriapress’.

Me një grant të vogël prej Bashkëpunimit Ndërkombëtar Gjerman (GIZ) zyra në Kosovë, Besniku ka ndërtuar serën e tij “Fidanishtja Besi” në të cilën kultivon domate, speca, spinaq, karrota dhe qepë të cilat pastaj shiten në tregun e Vushtrrisë, përcjell albinfo.ch.

Bujqësia është bërë një pjesë e rëndësishme e jetës së Besnikut, pasi që ia siguron një burim të madh të të ardhurave të nevojshme për të mbajtur një familje prej tetë anëtarësh.

Ai tashmë është i lumtur që është kthyer në vendlindje, ka hapur biznes dhe po arrin të mbajë familjen e tij.