Misioni i Jahjagës në Liberi

Ish-presidentja e Kosovës, Atifete Jahjaga do ta lë Kosovën për një kohë.

Ajo do të bëhet pjesë e misionit vëzhgues ndërkombëtar të zgjedhjeve presidenciale në Liberi.

Në fakt Jahjaga do të shkojë me një grup kosovarësh në këtë shtet të largët afrikan për të monitoruar zgjedhjet atje.

Këtë e ka bërë të ditur vetë ish-presidentja e Kosovës përmes një postimi në rrjetet sociale, përcjell albinfo.ch.

“Në prag të fillimit të misionit tim si vëzhguese ndërkombëtare e zgjedhjeve presidenciale në Liberi—në emër të NDI, ishte kënaqësi e veçantë të takoja bashkëqytetarë të mi nga Kosova. Ndihem krenare që gra dhe burra nga Kosova, si pjesë e misioneve të ndryshme ndërkombëtare, në vazhdimësi po dëshmojnë profesionalizmin dhe përkushtimin e tyre në demokratizimin dhe ruajtjen e paqes në vende si Liberia”, ka shkruar Jahjaga në rrjetet sociale.