Prioritetet e ministrit Tahiri

Ministri i Drejtësisë, Abelard Tahiri në një konferencë për media ka thënë se ndryshimi i Kodit të Procedurës Penale mundëson luftimin më efikas të korrupsionit.

Në paraqitjen e objektivave të këtij dikasteri Tahiri tha se prioritetet e tij janë rishikimin gjithëpërfshirës të sistemit të drejtësisë, sundimin e ligjit, luftën e pa kompromis kundër korrupsionit dhe krimit të organizuar, përcjell albinfo.ch.

“Në këtë kuadër pritet të rritet numri edhe i gjyqtarëve edhe i prokurorëve kur të vjen puna tek lufta e krimit të organizuar dhe e korrupsionit. Kemi pasur një zbrazëti ligjore sa i përket këtyre çështjeve sidomos në Kodin e Procedurës Penale ka qenë një boshllëk i madh, përmes kësaj do të rritet efikasiteti”, ka thënë ministri.