Bizneset me pritshmëri negative për muajt e mbetur të këtij viti

Pavarësisht se raporti i Bankës Botërore i të bërit biznes e renditi Kosovën më mirë se një vit më parë, një situatë të tillë nuk po e shohin bizneset që operojnë në Kosovë.

Oda Ekonomike e Kosovës ka prezantuar studimin për klimën e biznesit në Kosovë, nga e cila ka dalë se bizneset kanë pritshmëri negative për muajt e mbetur të këtij viti.

Kryetari i Odës Ekonomike, Safet Gërxhaliu, ka thënës se gjatë viti 2017, mund të konsiderohet si një vit i agjendës politike dhe se ka qenë e vështirë të gjendet hapësirë për procese ekonomike, përcjell albinfo.ch.

Përkundër pritjeve negative, Gërxhaliu ka vlerësuar se janë bërë hapa pozitiv, prej nga është dëshmuar se sektori privat është gjenerator i stabilitetit social në Kosovë.

Në këtë studim janë përfshirë 503 ndërmarrje, të cilat janë pjesë e këtij studimi nga viti 2013.