Spitalet rajonale në Kosovë me kushte të vështira

Ato punojnë me mungesë të stafit të mjekëve, po ashtu edhe të infermierëve, por edhe me mungesë barnash e kushtesh të nevojshme për punë. 

Foto ilustrim

Spitalet rajonale në gjithë Kosovën ballafaqohen me mungesa të mëdha, si të stafit të mjekëve, po ashtu edhe të infermierëve, por edhe me mungesë barnash e kushtesh të nevojshme për punë.

Bejtush Jaha, ushtrues detyre i drejtorit në spitalin e Ferizajt, i ka thënë Radios Evropa e Lirë se vetëm gjatë një viti në këtë siptal kanë frekuentuar rreth 30 mijë pacientë dhe janë kryer 1300 operacione.

“Kemi mungesë të stafit, si të lartë, po ashtu edhe të mesëm. Sidomos reparti i emergjencës funksionon vetëm me dy specialistë të emergjencës, e që ofrojnë shërbime 7 ditë në javë, 24 orë në ditë”, ka thënë Jaha.