Dy ambasadat përkujtojnë viktimat e Luftës së Parë Botërore

Ambasadori i Francës deklaroi se  Serbia dhe Kosova duhet të bëjnë përpjekje për të arritur pajtim të plotë si dy shtete fqinje dhe të punojnë së bashku për të ndërtuar një të ardhme të përbashkët evropiane

Ambasada Gjermane dhe Ambasada Franceze në Prishtinë kanë përkujtuar viktimat dhe përfundimin e Luftës së Parë Botërore me rastin e përvjetorit të 99 të armëpushimit, transmeton albinfo.ch.

Ambasadori francez në Kosovë, Didler Chabert  deklaroi se sot kujtojnë fundin e një lufte të tmerrshme që ka marrë jetën e 18 milionë personave. Ambasadori i Francës deklaroi se  Serbia dhe Kosova duhet të bëjnë përpjekje për të arritur pajtim të plotë si dy shtete fqinje dhe të punojnë së bashku për të ndërtuar një të ardhme të përbashkët evropiane.

“Sot një luftë mes këtyre dy vende është e paimagjinueshme”, ka thënë Ambasadori gjerman në Kosovë, Christian Heldt në fjalimin e tij.