Blocher, kandidat për zëvendëspresident të SVP/UDC-së

Christoph Blocher ndoshta do të mbetet prapëseprapë në organet e SVP/UDC-së. Ish-Këshilltari Federal është propozuar përsëri për vendin e nënkryetarit të partisë, kanë njoftuar udhëheqësit e SVP/UDC-së të mërkurën. Delegatët do të bëjnë zgjedhjet më 5 maj.

Dyshimi mbretëronte mbi kandidaturën ose moskandidaturën e këshilltarit nacional të Cyrihut. Për shtypin, shefi strateg pati thënë se nuk dëshironte të mbajë me çdo kusht funksionet e tij.

Christoph Blocher qëndron në listën e zëvendëspresidentit bashkë me ish-këshilltarin nacional, Walter Frey (ZH / në shkuarje), këshilltaren nacionale Nadja Pieren (BE / në shkuarje), këshilltarët nacionalë Oskar Freysinger (VS / i ri) dhe Luzi Stamm (AG / i ri), presidenten e Grave të SVP/UDC-së, Judith Uebersax (SZ / e re), si dhe koordinatorin për SVP/UDC frankofone, Claude Alain Voiblet (VD / i ri).