Edhe një tragjedi me armë të shërbimit ushtarak

Në një bar me plot të rinj në Interlaken (BE) një burrë ka plagosur dy persona me pistoletën e tij të shërbimit ushtarak

Për herë të dytë në tri ditë një armë e shërbimit ushtarak është bërë shkak i incidenteve që për pak të shndërrohen në tragjedi. Një qytetar i Bernës, 26 vjeç, ka përdorur pistoletën e tij ushtarake për të hapur zjarr mbi klientët e një bari në Interlaken (BE). Dy prej tyre janë plagosur. Rasti ndodhi të shtunën, afër orës 23:30, pasi që dorasi ishte larguar nga bari për t’u kthyer më vonë i armatosur dhe shumë i zemëruar. I dehur dhe i tërbuar, ai hap zjarr mbi personat që gjendën brenda, ndërsa shumica prej tyre përpiqen ta qetësojnë. Pasojat, dy persona të plagosur, por jeta e tyre nuk është në rrezik, ka treguar policia kantonale e Bernës për mediet.

Me të shtënat e të enjtes së kaluar në një apartament në Altstätten (SG), rasti i fundit është bërë i katërti në gjashtë muaj (dy prej të cilave ishin fatale) që ka të bëjë me një armë ushtarake në shoqërinë civile.

A duhet të ndalohet njëherë e për gjithmonë mundësia e mbajtjes së armës ushtarake në shtëpi? “Shteti ka përgjegjësi neutralizimin e personave të rrezikshëm”, argumenton kryetari i të Gjelbërve, Ueli Leuenberger. Arma duhet të mbetët në arsenal”. Një propozim që zviceranët e kanë refuzuar vitin e kaluar me 56 për qind të votave kundër.