BE-ja ul tarifat “Roaming”, Zvicra nën presion

Gjatë korrikut BE-ja ka paralajmëruar uljen e tarifave të telefonisë mobile “Roaming”

Me fillimin e pushimeve të verës, qytetarët e BE-së do të paguajnë për një thirrje në Evropë vetëm 35 cent për minutë.Ndërsa konsumatorët e operatorit “Sunrise” në Zvicër duhet për një minutë të paguajnë 1.70 franga ndërsa  ata në “Orange” do të duhet të paguajnë për minutën e parë 1.20 franga ndërsa për çdo minutë shtesë nga 40 rapë, dhe konsumatorët e “Swisscom” me 80 rapë në minutë. Megjithatë edhe në Zvicër është paralajmëruar një zbritje minimale prej 5 rapë për minutë.  Edhe “Sunrise” ka paralajmëruar risi sa i përket çmimeve të paktën gjatë sezonit veror.Tarifa më të ulëta për thirrjet “Roaming” janë gjithashtu të mundshme edhe në Zvicër, nëse nuk bëhet presion për uljen e çmimeve, tha zëdhënësja për media në Swiscom, Roetz Carsten. Prandaj ajo tha të mos ketë nevojë për një rregullore përkatëse. “Kjo të do të forconte pozicionin në treg  të “Swisscom-it”, tha zëdhënësja e Organge, Marie-Claude Debons. Nga ana tjetër, Këshilli Federal i Zvicrës nuk e konteston faktin që zviceranët paguajnë më shumë për thirrjet jashtë vendit se qytetarët e BE-së.  “Krijimi i njëanshëm i një rregullore për kufizimin e çmimeve të thirrjeve telefonike nuk do të jetë i përshtatshëm për shkak se do të jetë vetëm në interes për konsumatorët, por jo për operatorët mobil që duhet të paguajnë për përdorimin e rrjetit të huaj”, thuhet në përgjigjen e Këshilli Federal.

Por,  Qeveria e Zvicrës e di se nën presionin e Parlamentit nuk mund ta anashkalon një marrëveshje me BE-në, ka thënë Roberto Rivola nga Zyra Federale për Komunikacion.

“Nëse regjimi “Roaming” i BE-së zgjerohet edhe në vendet e tjera evropiane, Zvicra do ta shqyrtonte mundësinë e një marrëveshjeje të tillë”, ka thënë Rivola.