Në fillim të qershorit zgjidhen delegatët e Zvicrës frankofone

Më 5 dhe 6 qershor, në Llozanë dhe Gjenevë do të zgjidhen delegatët për Kuvendin e Shqiptarëve të Zvicrës, që do të mbahet më 10 qershor

Në një komunikatë shtypi, Kuvendi i Shqiptarëve të Zvicrës njofton se në një takim të mbajtur më 27 maj 2012, kanë marrë vendim që të mbajnë dy mbledhje të tjera për të zgjedhur përfaqësuesit shqiptarë të Zvicrës frankofone për Kuvendin e përgjithshëm të Shqiptarëve të Zvicrës, që do të mbahet më 10 qershor në Bernë.

Njëra mbledhje do të mbahet në Lozanë, të martën, më 5 qershor 2012 , në ora 19.30, në restorantin “Cafe de l’Ouest” në Lozanë (Av. De Morges 119);

Ndërsa mbledhja e dytë do të mbahet në Gjenevë, të mërkurën, 6 qershor 2012, në ora 19.30, në lokalet e Konsullatës së Republikës së Kosovës në Gjenevë. (Rue de la Servette 93, 1202 Genève).

“Në prag të njëqind vjetori të pavarësisë së Shqipërisë dhe përvjetorit të 134-të të Lidhjes Shqiptare të Prizrenit, Kuvendi i Shqiptarëve të Zvicrës do të marrë të gjithë rëndësinë dhe peshën e këtij jubileu.. Vetëdijesimi dhe marrja në dorë e fateve tona përbën detyrën e gjithsecilit prej nesh. Jeni të mirëpritur për të propozuar dhe votuar përfaqësuesit tuaj në Kuvendin e Shqiptarëve të Zvicrës”, thuhet në komunikatën e Kuvendit të Shqiptarëve të Zvicrës.

Me respekt,

Grupi i ngarkuar me organizimin në Zvicrën Frankofone : Albana Krasniqi Malaj, Jeton Kryeziu, Hanspeter von Aarburg, Bashkim Iseni dhe Samedin Asllani

Kontakt:

– Jeton Kryeziu, mail : jkryeziu@kdbavocats.ch, tél.: 079/954.57.87 ; Albana Krasniqi Malaj, albana.krasniqi@upa.ch; Bashkim Iseni, info@albinfo.ch; Samedin Asllani, infoasllani@gmail.com.

www.kuvendi.ch