Kuvendi i Shqiptarëve të Zvicrës shpalos punën njëvjeçare

Ekzistimi i Kuvendit të Shqiptarëve të Zvicrës ka bërë që ngjarjet që ndërlidhen me shqiptarët në Zvicër të kenë edhe reagimin e duhur dhe të unifikuar të shqiptarëve.

Në raportin e publikuar të punës njëvjeçare të Kuvendit të Shqiptarëve të Zvicrës janë numëruar aktivitetet e deritanishme të Kuvendit.

Bëhet fjalë për 20 takime të kryesisë me Këshillin strategjik të grupeve punuese, si dhe shumë organizime kulturore me shoqatat e tjera në Zvicër. Pastaj janë realizuar shumë takime me përfaqësues të institucioneve të Kosovës.

Në raportin e punës një vjeçare mësohet se Kuvendi kishte reaguar me kohë, duke i dënuar rastet e dhunës, ku ishin të përfshirë edhe shqiptarët.

Por, Kuvendi ka qenë i zëshëm jo vetëm kur përmendeshin shqiptarët në Zvicër. Kuvendi ka shprehur shqetësimin edhe për situatën e fundit në Maqedoni, duke iu drejtuar me letër ambasadorëve në Zvicër.

Po ashtu Kuvendi kishte përcjellë shpeshherë edhe shqetësimet e mërgatës në adresë të institucioneve të Kosovës për policat kufitare dhe për sigurimet shoqërore.

Sipas këtij raporti të bërë publik, reagimet e Kuvendit ishin gjithkund në mediet më të njohura zvicerane. Kjo ofensivë në media e Kuvendit ka bërë që rastet e tilla të mos shfrytëzohen për provokime, duke i etiketuar të gjithë shqiptarët si të dhunshëm në Zvicër

Në vijim mund ta lexoni të plotë raportin një vjeçar të Kuvendit të Shqiptarëve të Zvicrës: Klikoni këtu