Edhe Nobelit i duhet të kursejë!

Kriza ekonomike ka prekur edhe fondacionin që ndan çmimet Nobel! Në një situatë të tillë, fondacioni në fjalë duhet të shtrëngojë rripin. Shuma e gjithmbaarshme e çmimeve Nobel për këtë vit do të bjerë nga 10 në 8 milionë kruna suedeze, gjegjësisht do të jetë përafërsisht 1.1 milion franga më e vogël se deri më tash.

Fondacioni Nobel me seli në Stokholm i cili ndan çmimet me të njëjtin emër  për arritje në fushë të mjekësisë, fizikës, kimisë, letërsisë, paqes dhe ekonomisë, ka qenë i shtrënguar të marrë këtë hap. Arsyeja: turbulencat në tregun e financave.

Fituesit e çmimit Nobel shpërblehen me shumën nga kamatat e trashëgimisë që ka lënë themeluesi i çmimit, Alfred Nobel. Për shkak të krizës ekonomike, ka pasur rënie të shumës, ka deklaruar drejtuesi i fondacionit Lars Heinkensten për AFP.