Künzle i CVP-PDC-së, merr timonin e Winterthurit

Në zgjedhjet e mbajtura dje për kryetarin e qytetit, Winterthuri ka zgjedhur me shumicë votash përfaqësuesin e CVP-PDC-së Michael Künzle. Në garë me të, për të trashëguar postin e braktisur nga Ernst Wohlwend (SP) ka qenë kandatja nga SP-PS, Yvonne Beutler.

Künzle, me 15104 vota ka dalë shumë më i votuar se konkurrentja e tij Beutler, për të cilkën kanë votuar vetëm 7937 veta. Por, Beutler në zgjedhjet për plotësimin e një vendi vakant në qeverinë e qytetit ka mbrojtur ulësen e tretë të partisë së saj. Pas dorëheqjes së Wohlwend dhe të anëtares tjetër të qeverisë, Verena Gick, në ekzekutivin e Winterthurit ishin 2 vende të zbrazëta.

Beutler është zgjedhur me të parën, me 11892 vota ndërsa për të plotësuar vendin tjetër të zbrazët duhet pritur balotazhin.

Wnterthuri, me rreth 105 mijë banorë është qyteti i dytë për nga madhësia në Kantonin e Cyrihut dhe i gjashti në gjithë Zvicrën.