Më shumë mbrojtje juridike në rastet e natyralizimit

Vendimet për natyralizim në të ardhmen duhet të bëhen pa arbitraritet dhe ligjësisht në mënyrë të barabartë për të gjithë. Për të zbatuar këtë kriter, Gjykata Federale e ka zgjeruar mundësinë e mbrojtjes juridike në rastet e natyralizimit.

Kështu, deri më tash Gjykata Federale ka vepruar vetëm në rastet kur vendimet kundër dhënies së shtetësisë një të huaji kanë qenë diskriminuese ose jo sa duhet të bazuara.

Ndërsa në të ardhmen kjo gjykatë po ashtu do të shqyrtojë nëse janë plotësuar kushtet për natyralizim në rastet e dhëna. Kështu, një i huaj që nuk i është mundësuar natyralizimi mund të atakojë vendimin duke dëshmuar se i ka plotësuar të gjitha parakushtet për këtë.

Gjykata Federale do të ndërhyjë në raste të tilla vetëm nëse dikujt i është mohuar natyralizimi në një mënyrë të palejueshme.