Zviceranët tregohen të kënaqur me televizionin publik

Shumica e publikut është mjaft ose shumë i kënaqur me programet e radios dhe televizionit të ofruar nga transmetuesit publikë dhe privatë në Zvicër. Radio qëndron pak më mirë se televizioni, sipas një studimi të kryer nga Universiteti i Zürich-ut.

Dëgjuesit janë 70% të kënaqur me programet e radios SSR, edhe më lart se programet e radiove private (55%), bën të ditur Zyra Federale e Komunikacionit (OFCOM) të martën në takimin e saj vjetor me shtypin.

Kanalet private, më pak të kënaqshme

Sa për programet e televizionit SSR, 65% e të anketuarve kanë thënë se janë shumë ose deri diku të kënaqur. Kjo shifër bie në 44 % kur flitet për stacionet televizioneve private.

Hulumtimi i lartpërmendur është kryer gjatë vjeshtës 2011 dhe pranverës 2012, me 3600 persona të moshës mbi 15 vjeç, në tri rajone gjuhësore.