Hiqni këto brekë nga dritarja !

Gazetarët e akredituar të Pallatit Federal janë lutur që të mos i terin më teshat e tyre të brendshme në dritaret e Pallatit Federal.

Në pushim të drekës reporterët e Pallatit Federale shpesh shkojnë të notojnë në lumin Aar. Pas notit, ata kanë bërë shprehi të terin rrobat e tyre në dritare apo në ballkonet e zyrave të tyre.

Punonjësit federalë të cilët punojnë në Pallatin në fjalë ballë për ballë nuk e pëlqejnë aspak këtë veprim. Departamenti i Punëve të Jashtme, i cili mirëpret mysafirë të huaj, është ankuar në lidhje me këtë situatë. Sipas gazetës shumë serioze “Neue Zürcher Zeitung”, e cila dje vuri në pah këtë çështje, Shërbimi i Sigurimit të Pallatit Federal nëpërmjet një shkrimi ka rikujtuar rregullat për një sjellje me edukatë. “Dritaret nuk janë tela për të terë rrobat në mesditë për arsye se cenojnë dukshëm estetikën”, thuhet në mesazhin e lartpërmendur.