Shkreptima rekorde në qiellin e Cyrihut

8915 herë është ndriçuar qielli i Cyrihut nga shkreptimat e rrufesë në fillim të këtij viti. Rekord i ri është arritur këtë javë

Rrufeja ka gjuajtur fuqishëm të mërkurën mbrëma në Cyrih. Nuk është hera e parë që qyteti më i madh në Zvicër të përfshihet nga një stuhi me breshër, bubullima, vetëtima dhe me shi të furishëm.

Një moti i ndryshueshëm gjatë verës 2012 ishte bërë i zakonshëm për qytetarët e Cyrihut. 8915 herë rrufeja goditi zonën e Cyrihut. Numri i “bliceve” të rrufesë nuk ishte regjistruar saktë që nga viti 2005. Kështu ka bërë të ditur Stephan Bader nga Meteo Zvicër. “Më parë statistikat janë llogaritur në impulse. Që nga viti 2005 aplikohet metoda e re e matjes së aktivitetit të rrufesë që është shumë më e saktë”, tha Bader.

Edhe Gjeneva ishte ndriçuar 8237 herë nga shkreptimat e rrufesë. E kundërta ka ndodhur në Bernë dhe Bazel, ku rrufeja ishte më e shpeshtë në vitin 2009 se më 2012.Lugano kishte rekordin me më shumë se 14 mijë shkreptima të rrufesë, ndërsa  këtë vit deri tani janë regjistruar vetëm pak më shumë se 5.800 shkreptima rrufeje.

Meteorologët nuk mund të japin informacione për aktivitetin e rrufesë. Të dhënat për motin janë të ndara nga aktiviteti i rrufesë. Këtë vit në Cyrih ishte më shpesh se zakonisht.